Нур-Султан шаҳрида миллий спорт турлари бўйича мусобақалар бошланди

NUR-SULTAN. Кazinform - Пойтахтда от спорти мавсуми очилишига бағишлаб 3-19 июн кунлари миллий спорт мусобақалари ўтказилади. Чемпионатнинг умумий мукофот жамғармаси 1,5 миллион тенгени ташкил этади, деб хабар беради Кazinform шаҳар маъмурияти сайтига таяниб.

3 – 19 июн кунлари пойтахтдаги «Қазанат» ипподромида катталар, ёшлар ва ўсмирлар ўртасида ёмби отиш ва тенге илиш бўйича Қозоғистон чемпионати бўлиб ўтади. Шунингдек, 4 июн куни чавандозлар той, қўнон, гуруҳ ва аламан(катта) мусобақаларида қатнашадилар.

Ёмби отиш ва тенге илиш мусобақаларида мамлакатнинг барча вилоятларидан 150 дан ортиқ спортчи иштирок этади. Ёмби отиш мусобақалари корейс, турк ва қозоқ услубларида, танга илиш миллий чемпионати эса 2021 йилда тасдиқланган янги қоидаларга мувофиқ ўтказилади. Танловда танга илиш саралаш босқичида 5 тенге, финал босқичида эса 7 тенге илинади.

3-6 июн кунлари ёмби отиш ва танга илиш бўйича катталар ўртасида Қозоғистон чемпионати, 9-13 июн кунлари ёшлар ўртасида, 15-18 июн кунлари ўсмирлар ўртасидаги чемпионат бўлиб ўтади.

Чемпионатнинг умумий соврин жамғармаси 1,5 миллион тенгени ташкил қилади.

Мусобақанинг очилиш маросими доирасида чавандозлар уч километрлик той пойгаси, олти километрлик қўнон-пойга, 12 километрлик гуруҳ пойгаси ва 18 километрлик аламан-пойга мусобақаларига қатнашади.

Мусобақада мамлакатнинг барча вилоятларидан 60 га яқин отлар иштирок этади. Тўрт масофа бўйича мусобақанинг соврин жамғармаси 5 миллион тенгени ташкил қилади.