Нотўғри овқатланиш ўспиринлар соғлиғига қандай таъсир қилади

NUR-SULTAN. Kazinform – Ўспиринлар кўпинча тўғри овқатланиш қоидаларига риоя қилмайдилар, бу эса соғлиғининг ёмонлашишига олиб келади. Болалар ва ўспиринлар мева ва сабзавотларни оз истеъмол қилишади, асосан, ширин ичимликлар ва ширинликларни кўпроқ истеъмол қилишади, деб хабар беради ҚР Соғлиқни сақлаш вазирлиги Жамоат саломатлиги миллий маркази матбуот хизмати.

ҚР Соғлиқни сақлаш вазирлиги Жамият соғлиғини сақлаш миллий маркази илмий ва малакасини ошириш бўлими бош мутахассиси Шинар Абдраҳманова 2020 йил 4-5 декабрь кунлари Голландияда бўлиб ўтган «Excellence of Pediatrics» халқаро педиатрия онлайн-конференциясида Қозоғистонда 11-15 ёшдаги 4864 ўқувчи ўртасида ўтказилган «Мактаб ёшидаги болаларнинг соғлом ҳаракати», HBSC, сўровномаси натижаларига кўра, ҳар куни нонушта қилмайдиган 11-15 ёшли ўспиринлар бош айланиши, бош оғриғи ва қорин оғриғи, ҳар куни нонушта қилаётган ўспиринларга караганда икки баравар кўпроқ шикоят қилишади. Ҳафтада 5-6 мартадан кам сабзавот ва меваларни истеъмол қиладиган ўспиринларда кўпинча бош айланиши ва қорин оғриғи пайдо бўлади. Ҳафтасига камида 5-6 марта ширинлик истеъмол қилиш ўспиринларда бош оғриғига сабаб бўлади.

«Тўғри овқатланмаслик ўсмирлар орасида соғлиқ билан боғлиқ муаммолар хавфини оширади, шунинг учун жамиятнинг турли соҳалари: соғлиқни сақлаш, таълим, бизнес, фуқаролик жамияти, оммавий ахборот воситалари ва бошқа шериклар иштирокида тўғри овқатланиш масаласини кўтариш керак», - деди Ш. Абдраҳманова.