NOOC фонди 100 миллион тоннадан ортиқ йирик нефть конини топди

ASTANA. Kazinform – Хитойнинг CNOOC нефть корпорацияси душанба куни Жанубий Хитой денгизининг шарқий қисмида тасдиқланган геологик захиралари 100 миллион тоннадан ортиқ бўлган йирик нефть кони топилганини маълум қилди, деб хабар беради Синьхуа.

CNOOC маълумотларига кўра, яқинда Хитойда «Хуэйчжоу 19-6» деб номланган янги нефть кони топилган. Бу чуқур ва ўта чуқур қатламларда жойлашган Хитой шельфидаги биринчи йирик кон майдонидир.

Кон Хитой жанубидаги Шэньчжэнь шаҳридан тахминан 170 км узоқликда, 100 метр чуқурликда жойлашган. Синов бурғулаш жараёнида кунига 413 баррель нефть ва 68 минг куб метр газ қазиб олиниб, унинг имкониятларини тасдиқлади.

Денгиз шельфидаги бундай чуқур қатламларда нефть ва газни қидириш юқори босим ва ҳарорат, шунингдек, жинсларнинг паст ўтказувчанлиги каби қийинчиликларни келтириб чиқаради, бу эса йирик конларни аниқлашни қийинлаштиради. Бироқ жаҳон нефть ва газ заҳираларининг катта қисми ана шу чуқур қатламларда жойлашган бўлиб, уларни ўрганиш келажакда ишлаб чиқаришнинг сезиларли ўсишини ваъда қилмоқда.

Хитойнинг CNOOC нефть компанияси таъкидлаганидек, сўнгги йилларда Жанубий Хитой денгизининг шарқий қисмида бир қанча йирик кашфиётлар амалга оширилди, бу эса минтақадаги нефть ва газ захираларини янада ошириш имконини беради.