Номзод Жей Ди Вэнс Американи яна буюк давлатга айлантириш учун Трамп билан ҳамкорлик қилишга ваъда берди
ASTANА. Кazinform — Огайо штатидан сенатор Жей Ди Вэнс Республикачилар партиясининг миллий қурултойида АҚШ вице-президенти лавозимига номзодини расман эълон қилди. У ўзининг биринчи нутқида Трамп билан биргаликда “Американи яна буюк давлатга айлантиришга” ваъда берди, деб ёзади Еuronews.
Огайо штатидан 39 ёшли сенатор мамлакатнинг хорижий ишчи кучи ва энергетикага қарамлигини тугатиш ва ҳарбий ёрдамни тубдан қайта кўриб чиқишга ваъда берди.
“Биргаликда биз иттифоқчиларимизнинг бутун дунёда тинчликни сақлаш юкини баҳам кўришини таъминлашга интиламиз. Америка солиқ тўловчиларининг сахийлигини суиистеъмол қиладиган мамлакатлар учун энди ҳеч нарса бепул эмас", - деди Жей Ди Вэнс.
Демократлар август ойи бошида вице-президентлик ва президентликка номзодлар рўйхатини расман эълон қилади.
