Нима учун АЭС ўрнига Қуёш ва шамол станцияларини қуриб қўя қолмаймиз – вазир жавоби
«Биринчи масала - бу нарх-наво. Қайта тикланадиган энергия манбалари учун амалдаги тарифлар, албатта, бизнинг мавжуд анъанавий станцияларимиздан қимматроқ. Иккинчидан, афсуски, бу қайта тикланадиган энергия манбалари маневр қилиш учун мослашувчан эмас ва электр станцияларининг асосий таянчига айланиши мумкин дегани эмас. Яъни, узилишларсиз қувватни таъминлай олмайди. Табиатнинг ўзи шунақа – унда доимо шамол бўлавермайди ёки ҳар куни ҳам Қуёш чарақлаб турмайди», — деди вазир.
Унга кўра, шамол ва Қуёш энергиясини ҳам генерация қилиш мумкин.
«Аммо бу соф генерация эмас, бу аккумуляция. Шамол ёки қуёш кўп бўлса, сиз ортиқча энергияни тўплашингиз ва стрессли соатларда етишмовчиликни тўлдиришингиз мумкин. Аммо бу технология ҳали етарлича ишлаб чиқилмаган. Устига устак қиммат», - дейди Болат Ақшолақов.
Вазирнинг айтишича, Қозоғистон мисолида газ ҳам атом электр энергияси ўрнини боса олмайди.
«Маълумки, Қозоғистон бу соҳада углерод нейтраллиги сиёсатини юритади. Биз кўмирда ишлайдиган йирик электр станцияларни лойиҳалаштира олмаймиз. Ушбу талаб билан фақат газни ёқиш мумкин. Агар Қозоғистоннинг энергетика балансига 17 ГВт энергия керак десак, унинг ҳаммасини газ билан қоплаш учун бизга катта миқдорда газ керак. 1 ГВт қувватга эга заводга тахминан 2 миллиард куб метр газ керак бўлади. Бизда бу миқдорда хом ашё йўқ. Бундан ташқари, ундан ҳудудларни газлаштириш учун фойдаланамиз. Газ нефт ва бошқа маҳсулотлар учун ажралмас хом ашё ҳисобланади. Буларнинг барчасини ҳисобга олсак, бизда атом энергетикасини ривожлантириш учун катта салоҳият мавжуд», — деди энергетика вазири.
Муаллиф: Руслан Ғаббасов
