Неймар Пелени ортда қолдириб, Бразилия тарихидаги энг яхши тўпурар бўлди

None
Фото: instagram.com/neymarjr
ASTANА. Кazinform - Бразилия терма жамоаси ҳужумчиси Неймар ЖЧ-2026 саралаш босқичи доирасида Боливия билан ўйинда иккита гол муаллифига айланди, деб хабар беради Каzinform мухбири.

Неймар терма жамоа сафида 79 та гол уриб, машҳур «футбол қироли» Пелени (унинг ҳисобида 77 та гол) ортда қолдирди ва Бразилиянинг энг яхши тўпурарига айланди.

Бу ўйинда Бразилия Боливияни 5:1 ҳисобида мағлуб этди. 17-дақиқада Неймар 11 метрлик жарима зарбасини амалга ошира олмади. Бироқ 24-дақиқада Родриго ҳисобни очган бўлса, иккинчи бўлим бошида Рафинья ҳисобни 2:0 кўринишига келтирди. Шундан сўнг Родриго муваффақиятга эришди ва 61-дақиқада Неймар гол урди. 78-дақиқада боливиялик Виктор Абрего жавоб қайтарган бўлса-да, қўшимча дақиқаларда Неймар ўз голи билан ўйинга нуқта қўйди.

Шу ёзда Неймар Саудиянинг «Ал-Ҳилол» клубига ўтган эди. Ўтган мавсум Франция чемпионатида «ПСЖ» шарафини ҳимоя қилиб, 13 гол ва 11 голли узатма муаллифига айланди. Шунингдек, 31 ёшли ҳужумчи 2013-2017 йилларда «Барселона»да ўйнагани ҳам маълум.

Муаллиф: Ғайсағали Сейтақ


Сўнгги хабарлар