Нетаньяху келаси ҳафта Трамп билан Оқ уйда учрашади
ASTANA. Kazinform – Исроил бош вазири Биньямин Нетаньяху АҚШ президенти Дональд Трамп билан иккинчи муддатда учрашган биринчи хорижий давлат раҳбари бўлади, деб хабар беради Global News.

Юборилган таклифномада томонлар 4 февраль куни учрашишга келишиб олган, деб хабар беради NBC News.
“Мен Исроил ва унинг қўшниларига қандай қилиб тинчлик ўрнатишимиз, шунингдек, умумий душманларимизга қарши курашиш борасидаги саъй-ҳаракатларимизни муҳокама қилишни интиқлик билан кутаман”, – деб ёзган Трамп сешанба куни Нетаньяхуга йўллаган мактубида.
Ғазо секторида минглаб одамларнинг ҳаётига зомин бўлган 15 ойлик урушдан сўнг шу ойда Исроил ва ХАМАС ўт очишни тўхтатишга эришди.
Трамп Иордания ва Мисрга кўпроқ фаластинлик қочқинларни қабул қилишларини таклиф қилди, бу изоҳлар ўта миллатчи исроиллик сиёсатчилар томонидан олқишлади.
Трампнинг Яқин Шарқ бўйича махсус вакили Стив Виткофф жорий ҳафтада Исроилга сафар қилиб, Трамп иккинчи муддатга президентликка келганидан кейин Яқин Шарққа биринчи ташрифида ўт очишни тўхтатиш ва бошқа минтақавий муаммоларни муҳокама қилади. У сафари чоғида Ғазо секторига бориш нияти борлигини ошкора билдирди.
Нетаньяху охирги марта ўтган июль ойида Оқ уйда президент Жо Байден билан учрашган эди.