Наврўз байрамида қозоғистонлик ўқувчилар бир вақтда дўмбрада куй ижро этади

ASTANA. Kazinform – 20 март, соат 11:00 да Наврўз байрами муносабати билан Қозоғистонда барча мактабларда республика миқиёсида челленж бўлиб ўтади, деб хабар беради ҚР Таълим-маориф вазирлиги.

Тадбирдан кўзланган мақсад ёш авлодда маънавий-ахлоқий қадриятларни шакллантириш, ватанпарварлик туйғусини кучайтириш, миллий маданий меросимизни асраб-авайлаш, болалар ўртасида дўмбра санъатини кенг тарғиб этишдан иборат.

“Дўмбрачилар челленжи – бу болалар, ёшлар, ўқитувчилар ва ота-оналарнинг мусиқий маҳоратини намойиш этувчи ва бутун мамлакатни дўмбра садоси билан бирлаштирадиган ноёб тадбирдир. Унда ҳар ким иштирок этиши мумкин. 2023 йилдан буён барча таълим муассасаларида бу челленж ташкил этилмоқда ва муҳим маданий тадбирга айланди. Чалленж “Интеграциялашган таълим” дастури ва “Науризнома” чора-тадбирлар режаси доирасида ташкил этилмоқда”, – дейди Ўқув-тарбия ишлари ва қўшимча таълим департаменти директори Ерлан Қалмақов.

Эслатиб ўтамиз, Наврўз байрами Қозоғистоннинг барча мактабларида 14-23 март кунлари нишонланади. Шу кунларда мавзули челленжлар, экологик акциялар, миллий ўйинлар бўйича мусобақалар ташкил этилади.

Бундан аввал ҚР Президенти Қасим-Жомарт Тоқаев қозоғистонликларни байрам билан табриклагани ҳақида хабар берган эдик.