Нью-Йоркдаги қуролли ҳужумларда беш киши ҳалок бўлди

NEW YORK. Кazinform - Нью-Йрк полицияси маълумотларига кўра, қуролли ҳужумлар натижасида шаҳарнинг турли қисмларида тўрт соат ичида беш киши ҳалок бўлган, дея хабар беради Кazinform АBC Newsга таяниб.

Шаҳар полицияси маълумотларига кўра, қотилликлар 12 июлдан 13 июлга ўтар кечаси соат 21:00 дан 01:00 гача содир этилган. Бруклиннинг Cайпресс Хиллз, Броунсвилл ва Оушен Хилл маҳаллаларида учта ва Бронкснинг Фордхэм Хайтс ва Уэйкфилд туманларида иккита воқеа содир бўлди.

Кўкрак қафасидан ўқ жароҳати олган қурбонларнинг жасадлари полиция томонидан жиноят содир этилган жойлардан топилган. Жабрланганлар шифохоналарга етказилган, бироқ улар олган жароҳатларидан вафот этган. Ҳозирча тергов ҳаракатлари олиб борилмоқда, отишмада гумонланувчилар ҳозирча аниқланмаган.

Сўнгги маълумотларга кўра, жорий йилда Нью-Йоркда 222 та қотиллик содир этилган, бу ўтган йилнинг шу даврига нисбатан деярли 8 фоизга кам.

Фото: s.аbcnews.cоm