Нью-Йоркда тўрт аёлни ўлдирган гумонланувчи 10 йилдан сўнг пиццадаги ДНК ёрдамида топилди

ASTANA. Kazinform – АҚШ расмийлари Нью-Йорк яқинида ўн йиллар олдин содир бўлган оммавий қотиллик сирлари ошкор бўлиш арафасида эканини маълум қилди, деб хабар беради Kazinform ВВCга таяниб.

2010-2011 йилларда Лонг-Айленднинг жанубий қирғоғидаги Гилго Бич соҳилида 11 жасад топилган. Уларнинг аксарияти ёш аёллар бўлган.

Кўп йиллар давом этган терговдан сўнг, маҳаллий прокуратура жума куни асосий гумондор, Нью-Йорклик 59 ёшли архитектор Рекс Хойерманни ҳибсга олинганини эълон қилди.

Полиция унинг еган пиццасидан ДНК олган.

Бу қурбонлардан бирида топилган намунага мос келиши аниқланди. Шундан сўнг гумондор қўлга олинди.

Хойерманн уч аёлнинг ўлими билан боғлиқ ҳолда биринчи ва иккинчи даражали қотилликда айбланган.

Булар 2009 йилда ўлдирилган Мелиса Бартелеми, 2010 йилда ўлдирилган Меган Уотерман ва Эмбер Костелло.

Хойерманн, шунингдек, 2007 йилда ғойиб бўлган яна бир аёл Морин Брейнард Барнснинг ўлимида асосий гумондор ҳисобланади.

Бу тўрт аёл матбуотда «Гилго тўртлиги» номи билан танилган.

Уларнинг қолдиқлари 2010 йил декабрида ўша йилнинг май ойида бедарак йўқолган 23 ёшли Шэннен Гилбертни қидириш вақтида тасодифан топилган.