Нью-Йорк метросида отишма содир этган шахс қўлга олинди

Полиция 62 ёшли Фрэнк Жеймсни Манхэттеннинг Ист-Виллидж туманида ҳибсга олди.
Бруклин жанубидаги 36-кўчада жойлашган метро бекатида эрталаб тирбандлик вақтида юз берган отишмада ўнлаб одамлар яраланди.
«Нью-Йорк полициясининг юзлаб детективлари охирги 30 соат давомида қаттиқ ишладилар. Улар ҳуқуқ-тартибот идораларидаги ҳамкасбларимиз, жумладан FBI, Бирлашган аксилтеррорчилик маркази, Нью-Йорк полициясининг қуролли жиноятларни тергов қилиш маркази ва АҚШ маршаллари бошчилигидаги минтақавий ишчи гуруҳ билан ишлаган. Биз уни ўраб олдик. Қочиб қутулишнинг иложи йўқ эди», - деди Нью-Йорк полицияси комиссари Кичант Сьюэлл.
Полиция гумонланувчининг ижтимоий тармоқлардаги беҳаё постларини текшириб, унинг нима учун бундай қилганини аниқламоқда.
Жеймс ҳужумдан бир кун олдин YouTubeда қора танли жиноятларни танқид қилган ва унга қарши курашиш зарурлигини айтган видеони жойлаштирган.
Эслатиб ўтамиз, бир неча кун аввал Нью-Йоркдаги Бруклин станциясида юз берган отишмада камида 13 киши жароҳатланган эди.
Нью-Йорк метросида йўловчиларга ўт очган жиноятчи учун мукофот эълон қилингани ҳақида хабар берган эдик.