Нью-Мексикодаги чиқиндиларни қайта ишлаш заводида кучли ёнғин содир бўлди

ALBUQUERQUE. Kazinform – Ўтган дам олиш кунлари Нью-Мексико штатининг Альбукерке шаҳридаги чиқиндиларни қайта ишлаш заводида катта ёнғин содир бўлди. Атрофда бир неча километр масофада улкан тутун устунлари кўриниб турибди, дея хабар беради Kazinform The Mirrorга таяниб.

Воқеа жойида фавқулодда хизматлар ишламоқда.

Гувоҳлар штат жануби-шарқидаги Альбукеркедаги катта ёнғин акс этган суратларни интернетга жойлаштирди.

Расмийлар ёнғин Меса-дель-Соль шаҳридаги пластмассани қайта ишлаш заводида содир бўлганини тасдиқлади.

Бино эвакуация қилинди. Ёнғин сабаблари ҳозирча аниқ эмас. Ўт ўчирувчиларнинг айтишича, аланга «завод бинолари, маҳсулотлари ва транспорт воситаларини қамраб олган». Маҳаллий аҳолига ёнғин содир бўлган жойга яқинлашмаслик тавсия этилади.

Ёнғинда жабрланганлар бор-йўқлиги ҳали аниқланмаган. Ёнғин содир бўлган ҳудуд анча олис бўлса-да, маҳаллий аҳоли ижтимоий тармоқларда кучли шамол қалин тутунни турар-жойларга яқинлаштираётгани ҳақида хабар беришди.