Мўғулистон Бутунжаҳон икки ўркачли туялар уюшмасини ташкил қилади
ASTANА. Кazinform - БМТ Бош Ассамблеяси 2024 йилни Халқаро туялар йили деб эълон қилди. Шу муносабат билан Мўғулистонда Халқаро туялар йилининг очилиш маросими ташкил этилди, деб хабар берди Мontsame агентлиги.
Ўтган йили Мўғулистон ҳукумати тегишли қарор қабул қилган эди. Бундан ташқари, мамлакатда Бутунжаҳон икки ўркачли туялар уюшмасини ташкил этиш ташаббуси билан чиқди.
“Мўғулистонда туя сути ишлаб чиқариш кластерини яратиш бўйича туя етиштирувчилар, нодавлат ташкилотлар, жамоалар, олимлар ва бизнес вакиллари билан ҳамкорлик қилмоқдамиз. Баянхонгор ҳудудида туя сутини қайта ишлаш корхонаси ташкил этилиб, дастлабки натижаларга эришилмоқда. Бошқа ҳудудда ҳам шундай завод қуришни бошлаяпмиз”, – деди Осиёда сут саноатини ривожлантириш бўйича ҳамкорлик котибияти ижрочи директори Б.Батбаяр.
Очилиш маросимида сўзга чиққан Мўғулистон жун-кашмир уюшмаси ижрочи директори Д. Д. Алтанцэцэгнинг таъкидлашича, мўғуллар чорвачиликдан олинган барча хомашёдан фойдаланади. Туя ҳам жуда фойдали ҳайвон ҳисобланади. Туяларнинг, айниқса, икки ёшли туяларнинг жунлари жуда юмшоқ, сифати жиҳатидан эчки кашмирига ўхшашлигини айтди.
