22:08, 16 Октябрь 2024 | GMT +5
Муборак Рамазон ойининг биринчи куни 1 мартга тўғри келади
ASTANA. Kazinform - Қозоғистон мусулмонлари диний бошқармасининг шариат ва фатво бўлими 2025 йил учун диний кунлар тақвимини тасдиқлади, дея хабар беради Kazinform агентлиги muftyat.kzга таяниб.
Тақвимга кўра, Рамазон ойининг биринчи куни 1 мартга тўғри келади.
26 мартдан 27 мартга ўтар кечаси - Қадр кечаси - Лайлат ул-қадр.
Рамазон ҳайити 30 мартга, Қурбон ҳайити эса 6-8 июнга тўғри келади.
Ҳижрий ойларнинг бошланиши халқаро астрономик тадқиқот марказлари маълумотларига асосланади. Фатво мутахассислари диний байрамларнинг аниқ саналари янги ой чиқиши муносабати билан бир кун олдинга ёки кейинга кўчирилиши мумкинлигидан огоҳлантирмоқда.
