Москвада ватандошлар билан учрашув бўлиб ўтди
Йиғилишни очган «Отандастар» жамғармаси президенти Абзал Сапарбекули ушбу учрашувдан кўзланган мақсад - Камчаткадан тортиб Санкт-Петербурггача бўлган Россиянинг барча ҳудудларидан келган ватандошларни бир дастурхон атрофида бирлаштириш эканини таъкидлади.
«Учрашувимиздан мақсад давлатимизнинг ушбу соҳадаги вазифалари, яъни Россиядаги қозоқларнинг бирлигини мустаҳкамлаш, ватандошларимиз билан ҳамкорлик қилиш, қозоқ халқининг анъана ва маданияти, тилини асраб-авайлаш, авлодлар давомийлигини таъминлаш, шунингдек, муҳим масалалар бўйича фикр алмашиш учун мулоқот майдони яратиш», - деди жамғарма раҳбари.
А. Сапарбекули шунингдек, жорий йилда жамғарма томонидан чет эл ватандошларининг мемуарлари, ҳикоялари, насрий, шеъриятлари ва илмий изланишларини қозоқ ва рус тилларида нашр этишни мақсад қилган «Ұлы Дала» лойиҳасини амалга ошириш бошланганини ҳам маълум қилди.
Россиядаги қозоқ диаспораси вакиллари ҳам бу борада ўз фикрлари билан ўртоқлашди.
Уларнинг аксарияти яқин ҳамкорликни ривожлантириш истиқболлари, этник ватанда ўтказилаётган тадбирлар ҳақида ўз вақтида маълумот олиш, қўшма таълим, сайёҳлик ва бошқа лойиҳаларни йўлга қўйиш имкониятлари, миллий ўзликни асраб-авайлаш билан боғлиқ бир қатор масалаларни ҳал этишда иштироқ этди.
Иштирокчилар ёшларни қозоқларнинг миллий кодини асраб-авайлашга кенг жалб этиш, тўпланган тажриба ва билимларни ёш авлодга етказиш учун шароит яратиш зарурлигига алоҳида эътибор қаратдилар.
