Молдова президентининг ити Австрия президентини тишлаб олди
Молдова президенти Майя Сандунинг ити Австрия президенти Александр Ван дэр Бэлленнинг ташрифи пайтида Австрия етакчисининг қўлини тишлаб олган.
Айтилишича, воқеа икки раҳбар президент қароргоҳи ҳовлисида сайр қилаётганда содир бўлган. Дастлаб, Ван дэр Бэллен Кодрут лақабли итни қўли билан ушлаш учун энгашган. Оқибатда, ит уни тишлаб олган.
The President of Austria, Alexander Van der Bellen, will leave Chisinau with a bandaged hand. He was bitten by the presidential dog Codruț.#maiasandu #alexandervanderbellen #Moldova #Austria pic.twitter.com/8g8OKA9ZK4
— Paranteze.MD (@ParantezeM) November 16, 2023
Шундан сўнг, Молдова президенти инглиз тилида Бэллендан кечирим сўраган ва итнинг яқин атрофдаги одамларнинг кўплигидан қўрқиб кетганини тушунтирган. Ван дэр Бэллен эса Молдова парламенти спикери билан навбатдаги йиғилишда қўлини боғлаган ҳолда қўшма ҳужжатларга имзо чеккан.
Маросимлар тугагач, Майя Санду ижтимоий тармоқлардаги саҳифасида бир нечта расмларни жойлаган.
