Миссури штатида машина ҳайдовчиси ҳужжатларни текшираётганда полициячини ўлдирди

WASHINGTON. Кazinform - Миссури полицияси ходими ҳужжатларни текшириш учун транспорт воситасини тўхтатганидан сўнг ҳайдовчи томонидан отиб ўлдирилди, деб хабар беради Кazinform CBS News сайтига таяниб.

Полиция маълумотларига кўра, воқеа сешанба куни эрталаб Шимолий Канзас-Сити шаҳрида содир бўлган, 32 ёшли офицер Даниэл Васкес воқеа жойидан қочиб кетган гумонланувчи томонидан отиб ўлдирилган.

Полиция ходими шифохонага етказилган, у ўқдан олган жароҳатларидан вафот этган.

Гумонланувчи унинг машинаси қидирувга берилганидан сўнг, Шимолий Канзас-Сити шаҳридан 112,6 мил шимолда жойлашган Огайо штати Чилликоте шаҳрида полицияга топширилган. Жиноятчи ҳақида маълумот берилмаган.

Канзас-Сити мэри Қуинтон Лукас марҳум зобитнинг оила аъзолари ва ҳуқуқ-тартибот идораларидаги ҳамкасбларига ҳамдардлик билдирди. Шимолий Канзас-Сити полицияси бошлиғи Кевин Фриманнинг айтишича, Д.Васкес ўз хизмат вазифасини бажариш чоғида ҳалок бўлган биринчи Шимолий Канзас-Сити полициячиси бўлиб, у ерда 2021 йилдан бери хизмат қилаётган эди.

Аввалроқ «Штатлар ҳаракат келишуви»(Convention of States Action) миллий сўрови шуни кўрсатдики, репндентларнинг 40 фоиздан ортиғи ҳуқуқ-тартибот идоралари эмас, қуролланган АҚШ фуқаролари аҳолини оммавий отишмалардан ҳимоя қилишнинг энг яхши йўли, деб ҳисоблайди.

Фото: boston.com