Мисрда қишлоқлардан бирининг юзлаб аҳолиси сирли касалликка чалинди

CAIRO. Кazinform – Миср Соғлиқни сақлаш вазирлиги якшанба куни Кена провинцияси аҳолиси маҳаллий қишлоқда 250 га яқин одамни юқтирган «сирли» касаллик пайдо бўлгани ҳақида шикоят қилганидан сўнг баёнот берди, деб хабар беради Кazinform Egypt Independentга таяниб.

Баёнотда айтилишича, Аль-Алекат қишлоғидаги беморларда учрайдиган аломатлар ҳар ҳил, уларнинг барчаси енгил ва ўртача даражада ва шунинг учун касалхонага ётқизишни талаб қилмайди.

Аломатлар орасида иситма, суяк оғриғи ва уч кундан беш кунгача давом этадиган чарчоқ мавжуд.

Вазирлик ушбу аломатлар шамоллаш ва грипп, гастроэнтерит ва иситма каби кўплаб касалликларга хос бўлиб, улар иссиқлик таъсирида тарқалиб кетиши ва бемор дам олаётган ва иситмани туширувчи воситалар қабул қилганда, шунингдек, етарли миқдорда суюқлик истеъмол қилганда йўқолиши мумкинлигини таъкидлади.

«Сирли» касалликни ўрганиш учун қишлоққа профилактика-даволаш тиббиёти ҳамда эпидемиологик назорат гуруҳлари юборилиб, беморлардан зарур таҳлил ва намуналар олинди.