Миср шимолида бинонинг қулаши оқибатида беш киши ҳалок бўлди

CAIRO. Кazinform – Якшанба куни Миср шимолидаги Искандария ва Бухейра провинциясида бино қулаши оқибатида 5 киши ҳалок бўлди, 11 киши жароҳатланди, дея хабар беради Кazinform Xinhua агентлигига таяниб.

Бухейра провинциясининг Рашид шаҳрида саккиз қаватли бинонинг қулаши оқибатида икки киши ҳалок бўлди, тўққиз киши жароҳат олди.

Қидирув-қутқарув ишлари давом этяпти, деб хабар беради маҳаллий МЕНА агентлиги.

Искандария провинцияси шарқидаги Бакус туманида турар-жой биносининг иккита балкони қулаши оқибатида 3 киши ҳалок бўлди, яна икки киши жароҳатланди.

Прокуратура воқеа юзасидан суриштирув ишларини бошлаган.

Эслатиб ўтамиз, июнда Искандария шаҳрида 13 қаватли бино қулаб, 10 киши ҳалок бўлган эди.