Минскда ЕОИИ Божхона хизматлари қўшма кенгашининг 45-йиғилиши бўлиб ўтди
ASTANA. Kazinform - 1 март куни Минск шаҳрида (Беларусь Республикаси) ЕОИИга аъзо давлатлар Божхона хизматлари қўшма кенгашининг 45-мажлиси бўлиб ўтди.
Йиғилишда ҚР Давлат даромадлари қўмитаси раиси Жандос Дуйсембиев иштирок этди.
Божхона хизматлари қўшма кенгашида ЕОИИга аъзо давлатлар божхона органларининг божхона бошқаруви масалаларига ёндашувларни бирлаштириш учун зарур бўлган ҳуқуқни қўллаш амалиёти муҳокама қилинди.
Товарларнинг ягона таснифини таъминлаш мақсадида йиғилиш якунлари бўйича алоҳида товарларни Евроосиё иқтисодий иттифоқининг ташқи иқтисодий фаолият ягона товар номенклатурасига мувофиқ таснифлаш бўйича қатор қарорлар қабул қилинди.
Шунингдек, интеллектуал мулк объектларини божхона реестрларига киритишда муаллифлик ҳуқуқи эгаларига ва (ёки) уларнинг вакилларига қўйиладиган талабларни кучайтириш, божхона органи томонидан маълум қилинган маълумотларга ўзгартириш (қўшимчалар) киритиш тўғрисида қарор қабул қилиш муддатларини ҳуқуқий тартибга солиш масалалари ҳам кўриб чиқилди. Евроосиё иқтисодий иттифоқига аъзо давлатларда товарлар чиқарилгандан кейин товарларга декларация бериш, божхона назорати учун зарур бўлган ҳужжатларни қоғозда сақлаш, шунингдек, ушбу соҳада рискларни бошқариш бўйича ягона ёндашувларни ўрнатиш учун солиқни кўп талаб қилувчи товарлар рўйхатини тасдиқлаш масалалари кўриб чиқилди.
Йиғилишда Арманистон, Беларусь, Қирғизистон ва Россия божхона хизматларининг биринчи раҳбарлари ҳамда Евроосиё иқтисодий комиссияси вакиллари иштирок этди.
ЕОИИ Божхона хизматлари қўшма кенгашида фаолиятининг асосий йўналишлари божхона иши соҳасидаги устувор йўналишларни аниқлаш, божхона қонунчилигини яқинлаштириш ва уйғунлаштиришга кўмаклашиш, божхона ва бошқа манфаатдор миллий хизматлар ва давлат идораларининг амалий ҳамкорлигини мувофиқлаштириш, божхона соҳасида қабул қилинган давлатлараро ва ҳукуматлараро келишувларни амалга оширишга кўмаклашишдан иборат.
