Минглаб одамлар Франция ва Италия ўртасида темир йўл қурилишига қарши намойишга чиқди

ASTANA. Kazinform – Лион-Турин йўналиши қурилишига қарши бир неча минг киши иш ташлашга чиқди ва полиция кўздан ёш оқизувчи газ ишлатишга мажбур бўлди, дея хабар беради Kazinform Euronewsга таяниб.

Франция ва Италия ўртасида темир йўл қурилишига қарши намойишлар полиция билан тўқнашувга олиб келди.

Ташкилотчиларнинг айтишича, Савойя жануби-шарқий департаментида жойлашган Сен-Реми-де-Морьенда 4000 нафар, полиция маълумотларига кўра, 3000 нафардан ортиқ киши намойишга чиққан.

Фаоллар Франция ва Италияни боғловчи тезюрар магистраль қурилишини тўхтатишни талаб этди. Уларнинг фикрича, бу йўл ташқи ўзгаришларга сезгир ҳисобланган Альп тоғлари табиатига катта зарар етказиши мумкин.

Намойишчилар маҳаллий темир йўл ва автомобиль йўлларини тўсиб қўйган, поездлар қатнови эса тўхтаб қолган.

Улар полициячиларга тош отган, полициячилар эса кўздан ёш оқизувчи газ ишлатган.

Альп тоғларида 57 км дан ортиқ туннелдан иборат янги Лион-Турин темир йўл линияси Европа Иттифоқи кўмагида қуриляпти. Лойиҳанинг қиймати 26 миллиард евродан ошади.