“Милтон” тўфони Флорида қирғоқларига яқинлашди

ASTANA. Kazinform - АҚШнинг Флорида штати Тампа кўрфазига яқинлашиб келаётган 5-тоифадаги “Милтон” тўфонига тайёргарлик кўрмоқда. Довулнинг чоршанба куни қуруқликка тушиши кутиляпти, дея хабар беради Euronews.

Мамлакатнинг олти штатида 230 дан ортиқ одамнинг ҳаётига зомин бўлган “Хелин” тўфонидан икки ҳафта ўтмай яна бир табиий офат содир бўлиши тахмин қилинмоқда.

“Яқинда биз даҳшатли довулдан азият чекдик. Кўп жойлар сув остида қолди. Шунинг учун, бу сафар биз бошқа довулга тайёргарлик кўришга қарор қилдик. Ўтган ҳафта содир бўлган воқеанинг олдини олиш учун уй атрофида қум қопларини йиғяпмиз”, - деди Флорида штатида яшовчи Луис Смит.

Бу аҳолига бир неча ҳафта ичида иккинчи марта эвакуация қилиш буйруғи берилди.

“Хелин” тўфони 2,4-3,6 метрга етиши мумкин.

Мутахассисларнинг фикрига кўра, “Милтон” Атлантикада рекорд даражада тез ўсиб бораётган учинчи тўфон бўлди. Атиги 12 соат ичида у биринчи тоифадаги довулдан бешинчи тоифадаги довулга кучайди. Олимлар об-ҳавонинг ўзгариш частотасини иқлим ўзгариши ва глобал исиш билан боғлайди.