Миллий вагон парки 700 та замонавий вагон билан тўлдирилади

ASTANA.Kazinform – 2030 йилга бориб Қозоғистонда замонавий ва қулай поездлар сони кўпаяди. Бу ҳақда “Йўловчилар ташиш” АЖ бошқаруви раиси Жанибек Тайжанов батафсил маълумот берди.

“Ҳар йили ўртача 13,5 миллион йўловчи поездда саёҳат қилади. Айниқса, Астана-Алмати, Астана-Чимкент, Алмати-Чимкент, Астана-Семей ва Алмати-Семей йўналишлари йўловчилар орасида машҳур. 2030 йилга бориб миллий автопаркга 700 та вагон билан тўлдириш режалаштирилган. Бугунги кунда мамлакатимиз бўйлаб 138 та поезд йўналиши мавжуд бўлиб, улардан 97 тасига биз масъулмиз. Сўннги 10 йилда корхонамиз 1500 га яқин замонавий вагон харид қилди”, - деди Жанибек Тайжанов бошқармада ўтказилган матбуот анжуманида.

Унинг таъкидлашича, корхона ўтган йили ва йил бошидан буён 150 дан ортиқ вагон сотиб олган.

“Янги вагонли поездлар Алмати-Манғистау, Алмати-Атирау, Атирау-Астана, Атирау-Манғистау, Астана-Чимкент, Астана-Семей, Қизилўрда-Семей, Алмати-Жезқазған, Павлодар-Алмати, Павлодар-Туркистон ва Атирау- Ақтўбе йўналишларида қатнашади”, - дейди у.