Миллий гвардиянинг 1200 дан ортиқ аскари сув тошқинидан жабр кўрган ҳудудларга ёрдам бериш учун жўнаб кетди
ALMATY. Kazinform - Қозоғистоннинг ғарбий ва шимолидаги сув босган ҳудудларга ёрдам бериш учун ҚР Ички ишлар вазирлиги Миллий гвардиясининг 1200 дан ортиқ аскарлари жўнатилди, деб хабар берди ҚР Миллий гвардияси матбуот хизмати.
Матбуот хизмати хабарига кўра, бугун сув тошқинга қарши чора-тадбирларни мувофиқлаштириш ва оқибатларини бартараф этиш бўйича республика штабининг ишчи йиғилиши бўлиб ўтди. Кун тартибидаги асосий масала сифатида сув тошкиннинг иккинчи тўлқини юз бериши мумкин бўлган ғарбий вилоятлардаги вазият кўриб чиқилди.
Бош вазир Олжас Бектеновнинг топшириғига кўра, Атирау, Ғарбий Қозоғистон ва Шимолий Қозоғистон вилоятлари аҳолисига ёрдам бериш учун Миллий гвардия куч ва техникаси жўнатилди. Ҳукумат раҳбари вилоят ҳокимликларига ҳарбий хизматчиларни барча зарур ашёлар билан таъминлаш, техникага ёнилғи қуйиш масаласини ҳал этиш бўйича топшириқлар берди.
Қуйидаги ҳарбий қисмларнинг шахсий таркиби ва техникаси қўшимча куч сифатида жўнатилди: 6506 ҳарбий қисмдан (Чимкент шаҳри) 300 нафар ҳарбий хизматчи ва 15 та автомашина Қизилўрда орқали йўлга чиқди, кейинчалик уларга 5547-ҳарбий қисмнинг 200 нафар ҳарбий хизматчиси қўшилди ва кейин улар темир йўл орқали Орал шаҳрига боради.
Бундан ташқари, 5451 ҳарбий қисмнинг (Қарағанди шаҳри) 500 нафар ҳарбий хизматчиси ва 18 та техникаси Атирау шаҳридаги сув тошқини олдини олиш ишларида қатнашиш учун темир йўл орқали жўнаб кетди.
Бундан ташқари, пойтахлик Миллий гвардияси тезкор бригадасининг 200 нафар ҳарбий хизматчиси 7 та машинада Астанадан Петропавлга йўл олмоқда. 5573 ҳарбий қисм шахсий таркиби сув босган аҳоли пунктлари кўчаларида бошпаналарни талон-тарож қилмаслик мақсадида Шимолий Қозоғистон вилоятида жамоат тартибини муҳофаза қилишда жанговар бурчни бажармоқда.
Таъкидлаш жоизки, мамлакатнинг барча сув босган ҳудудларида, умуман, Миллий гвардиянинг 2700 дан ортиқ аскари ҳамда 120 та техника ва ҳаво транспорти фаол ёрдам кўрсатмоқда. Улар сув босган шаҳар ва қишлоқларда патруллик қилиш орқали аҳолининг шахсий мулкини муҳофаза қилишни таъминлайди, қирғоқларни мустаҳкамлаш, сув босган аҳоли пунктларида тоза сув ўтказмалари ва каналларни мустаҳкамлаш ишларида иштирок этади. Бундан ташқари, одамлар ва ҳайвонлар хавфсиз жойларга эвакуация қилинмоқда.
