Миллий банк тенге курсини барқарорлаштириш чораларини кўрмоқда

NUR-SULTAN. Кazinform - Қозоғистон Миллий банки тенге курсининг кескин ўзгариши ва унинг инфляцияга таъсирини чеклаш чораларини кўрмоқда. Бу ҳақда банк раиси Ғалимжон Пирматов маълум қилди, дея хабар беради Kazinform мухбири.

«Миллий банк тенге курсининг кескин ўзгариши ва унинг инфляцияга таъсирини чеклаш чораларини кўрмоқда. Айрим кунларда улар валюта интервенцияларини ҳам амалга оширдилар. Бу маълумот дарҳол эълон қилинди «, - деди Ғ. Пирматов Сенатнинг бугунги мажлисида.

Миллий банк раисининг сўзларига кўра, квазидавлат сектори суъектларининг валюта сотиш ҳажмини ошириш мақсадида уларнинг умумий валюта тушумларини мажбурий сотиш ҳажми 50 фоиздан 75 фоизга оширилди.

«Миллий валюта барқарорлигини таъминлаш, капиталнинг чиқиб кетишининг олдини олиш ва спекульятив талабни камайтириш мақсадида инқирозга қарши устувор чора-тадбирлар доирасида трансчегаравий молиявий операциялар бўйича назорат чоралари кучайтирилди, валюта ва олтин экспортига чекловлар белгиланди.

Ички валюта бозоридаги вазиятни нормаллаштириш чоралари кўрилди. Аҳолининг эҳтиёжини қондириш учун етарли миқдорда нақд хорижий валюта олиб келинди», - деди у.

Амалга оширилаётган чора-тадбирлар туфайли ички валюта бозоридаги вазият барқарорлашмоқда.

«Жаҳон молия ва товар бозорларидаги геосиёсий вазиятнинг ёмонлашуви муносабати билан тенге 15 март куни рекорд даражада қадрсизланиб, 512,17 тенгени ташкил қилди, апрел ойида эса 445,62 тенгегача мустаҳкамланди. Айни пайтда талаб ва таклиф тенг», - деди Миллий банк раиси.

Муаллиф: Айжан Серикжанқизи