Миллий банк базавий ставкани пасайтирди

ASTANA. Kazinform - Жорий йил февраль ойида йиллик инфляция 9,3 фоизгача пасайди ва Миллий банк базавий ставкани 14,75 фоизгача пасайтирди. Бу ҳақда Қозоғистон Республикаси Миллий банки раиси Тимур Сулейменов маълум қилди.

“2024 йил февраль ойида йиллик инфляция 9,3 фоизгача пасайди. Инфляция ва инфляцион кутилмалар пасайиши муносабати билан Миллий банк февраль ойида базавий ставкани 14,75 фоизга, яъни 50 базавий пунктга пасайтирди”, — деди Т.Сулайменов Ҳукуматнинг бугунги мажлисида.

Шу билан бирга, маърузачи йиллик инфляция даражаси пасайганини таъкидлади. Февраль ойида ойлик инфляция ўртача тарихий қийматлардан юқори бўлди. Мавсумий ва маъмурий омилларга қўшимча равишда бозор товарлари ва хизматлари нархлари тез суръатлар билан ўсди.

“Ҳозирда пул-кредит сиёсатини юмшатиш имконияти анча чекланган. Инфляция омилларининг белгиланган мувозанати ва унинг ойлик ставкаси динамикаси келгусида қарорлар қабул қилишда базавий ставканинг бир хил даражада сақланиши эҳтимолини оширади. Маълумотларни тўплаш, иқтисодий ва фискал ислоҳотларнинг амалга оширилишини назорат қилиш зарур”, — деди Миллий банк раиси.