Миллатлар лигаси: Бугун Қозоғистон терма жамоаси ўзининг илк ўйинида Норвегия билан учрашади
ASTANA. Kazinform – Бугун, 6 сентябрь куни Қозоғистон терма жамоаси UEFA Миллатлар лигасидаги илк учрашувини Норвегияга қарши ўтказади.
Терма жамоа “В” лигаси учинчи гуруҳида Норвегия, Словения ва Австрия терма жамоалари билан куч синашади.
Учрашув Қозоғистон вақти билан соат 19:00да бошланади ва «Qazsport» телеканали орқали жонли эфирда намойиш этилади.
Бу ўйинда голландиялик Аллард Линдхоут бош ҳакам вазифасини бажаради. Унга ҳамюртлари Йоост ван Зуйлен ва Рогир Хониг ёрдам беришади. Тўртинчи ҳакам вазифасини шу мамлакат вакили Алекс Бос бажаради.
Бу икки жамоа тарихида илк бор учрашади.
Айтганча, қозоғистонлик футболчилар тўртинчи бор Миллатлар лигасида иштирок этишади. Ҳозирга қадар ўтказилган 20 учрашувда 7 марта ғалаба қозонган, 5 марта дуранг ўйнаган ва 8 марта мағлуб бўлган.
2022/23 йилги мавсумда улар C лигада Озарбайжон, Словакия ва Беларусни ортда қолдириб, В лигасида иштирок этиш имкониятига эга бўлишди.
