Миграция қонунчилигини бузгани учун тўрт нафар Ўзбекистон фуқароси Қозоғистондан депортация қилинди
PAVLODAR. Кazinform - Полиция миграция қонунчилигини бузган шахсларни аниқлади. Тўрт нафар хориж фуқароси Қозоғистон ҳудудида 30 кундан ортиқ бўлган.
Павлодар вилояти Шарбақти тумани полиция ходимлари томонидан ўтказилган рейдлар давомида мамлакат ҳудудида ноқонуний равишда бўлган Ўзбекистон Республикаси фуқаролари аниқланди. Улар миграция қонунларини бузган ва мамлакатни тарк этишдан бўйин товлаган.
“Тўрт нафар хориж фуқароси Қозоғистонга ўтган йилнинг ноябрь ойида келган ва ўшандан бери қолмоқда. Қонунга кўра, улар 30 кун ичида Қозоғистон Республикасини тарк этишлари керак эди. Аммо хорижликлар белгиланган муддатда четга чиқишдан бўйин товлаб, миграция соҳасидаги қонунчиликни бузган. Ҳуқуқбузарларга нисбатан маъмурий ҳужжатлар тўлдирилиб, суд қарори билан Қозоғистон Республикасидан ташқарига мажбуран чиқариб юбориш бўйича маъмурий чоралар кўрилди”, — деб хабар берди Павлодар вилояти ПД матбуот хизмати.
