Microsoft компанияси 10 минг ходимни ишдан бўшатишни режалаштирмоқда
«Биз катта ўзгаришлар даврини бошдан кечирмоқдамиз ва мижозлар ва ҳамкорлар билан учрашганимда менга бир нечта нарса аён бўлади. Биринчидан, пандемия даврида истеъмолчилар ўзларининг рақамли харажатларини қандай оширганини кўрганимиздек, энди биз уларнинг рақамли харажатларини оптималлаштиришни кўрмоқдамиз. Шунингдек, биз барча соҳалар ва минтақалардаги ташкилотлар эҳтиёткорлик билан ҳаракат қилаётганини кўрмоқдамиз, чунки дунёнинг баъзи қисмлари таназзулни бошдан кечирмоқда, бошқалари эса буни кутмоқда. Шу билан бирга, сунъий интеллект ютуқлари туфайли ҳисоблашнинг кейинги йирик тўлқини пайдо бўлди, чунки биз дунёдаги энг илғор моделларни янги ҳисоблаш платформасига айлантирмоқдамиз», - деди Microsoft раҳбари нутқида.
Унда айтилишича, 2023 йилнинг учинчи чораги охиригача 10 мингта иш ўрни қисқартирилади. Қисқартириш компания ходимларининг 5 фоизини ташкил қилади. Сатья Наделла ишдан бўшатилганларнинг барчасига товон ва турли имтиёзлар берилишига ваъда берди. Унинг айтишича, компания «иш зичлигини ошириш» учун янги офис ижараси ва жиҳозларни алмаштиришга 1,2 миллиард доллар сарфлайди.
Фото: Getty Images
