Microsoft АҚШ мактабларида сунъий интеллект тизимларига янги чекловлар жорий этади
ASTANА. Кazinform - Microsoft АҚШ мактабларида қўлланиладиган сунъий интеллект тизимлари учун янги чекловлар ва махфийлик стандартларини жорий этади, деб хабар беради Euronews.
Янги қоидалар мамлакатнинг иккинчи йирик ўқитувчилар касаба уюшмаси билан келишилган.
Келишувга кўра, ўқувчиларни сунъий интеллект тизимлари билан ҳиссий алоқани ривожлантиришга ёки уларга қарам бўлишга ундайдиган ҳамроҳ ботлар ва функциялардан фойдаланиш тақиқланади. Ўқувчиларнинг эътиборини ўқув вазифасини бажариш учун зарур бўлганидан узоқроқ вақтга чорлайдиган функциялар ҳам чекланади. Ушбу стандартлар юридик кучга эга ва мустақил аудитларни назарда тутади.
Microsoft ўзининг сунъий интеллект тизимларини ўқитиш учун ўқувчилар ва ўқитувчилар маълумотларидан фойдаланмасликка ваъда берди. Бунга ўқувчиларни ҳимоя қилиш учун зарур бўлган чекланган маълумотлар тўплами кирмайди. Тўпланган маълумотларни сотиш, реклама мақсадларида ёки янги маҳсулотларни ишлаб чиқиш учун ишлатиш мумкин эмас.
Компания шунингдек, оилаларга ўзининг сунъий интеллект воситалари қандай ишлашини ва қандай маълумотларни тўплашини аниқ тушунтириши керак. Янги стандартлар 1 ноябрдан бошлаб АҚШдаги мактаблар билан тузилган барча Microsoft шартномаларига қўлланилади.
OpenAI ва Anthropic ҳам Америка ўқитувчилар уюшмаси билан шунга ўхшаш келишувларни муҳокама қилмоқда. Иккала компания ҳам таълимда сунъий интеллект хавфсизлигини мустаҳкамлаш ва маълумотларни ҳимоя қилиш ташаббусларини қўллаб-қувватлашини айтишди.
Эслатиб ўтамиз, Учта технология гиганти сунъий интеллект учун ягона стандартни ишлаб чиқади.
