Месси обуначилар сони 500 миллионга етган иккинчи одамга айланди

Аргентиналик “Интер Майами” ҳужумчиси Лионель Месси Instagram ижтимоий тармоғида 500 миллион обуначига эга бўлди, деб хабар беради Kazinform Sports.kzга таяниб.

36 ёшли футболчи обуначилар сони бўйича Саудия Арабистонининг “Ал-Наср” клубининг португалиялик ҳужумчиси Криштиану Роналдудан кейин иккинчи ўринда туради, ҳозирда унинг обуначилари сони 622 миллион.

Instagramдаги энг машҳур юлдузлар рўйхатида Мессидан кейин америкалик қўшиқчи Селена Гомез (429 миллион), модел Кайли Женнер (400 миллион) ва актёр Дуэйн Джонсон (396 миллион) бормоқда.

Аргентиналик ҳужумчи 2023 йилнинг июлидан буён “Интер Майами”да тўп суриб келмоқда.