Мэнни Пакьяо боксдаги фаолиятини якунлаганини расман эълон қилди

NUR-SULTAN. Kazinform -Филиппин Президентлигига ўз номзодини тавсия қилган саккиз вазн тоифасида 42 ёшли собиқ Жаҳон чемпиони Мэнни Пакьяо боксдаги фаолиятини якунлаганини расман мухлисларига маълум қилди, деб хабар беради Kazinform Sports.kzга таяниб.

«Дунёдаги энг яхши мухлисларга ва энг буюк спортга раҳмат! Барча гўзал хотиралар учун раҳмат. Бу мен қабул қилган энг қийин қарор. Ўз орзуларингизга интилинг, кўп ҳаракат қилинг ва нима бўлишини кузатиб боринг. Хайр, бокс «, - деб ёзди Пакяо Twitterда.

Эслатиб ўтамиз, WBC чемпионлиги учун сўнгги жангда Пакьяо кутилмаганда кубалик боксчи Йорденис Угасга ютқазиб қўйганди. Угас ва Пакьяо ўртасидаги жанг Лас-Вегасдаги «ТИ-Мобайл Aрена»да бўлиб ўтди. 42 ёшли Пакьяо учун бу унинг 2019 йил июлдан буён ўтказган биринчи жангидир. Ўшанда Пакьяо Кит Турманни очколар ҳисобида мағлуб этиб, WBA Super йўналиши бўйича чемпионлик унвонини қўлга киритган эди.