Мексикада Димаш Қудайбергенга бағишланган мурал пайдо бўлди
ASTANА. Кazinform — Мексиканинг Нуэво-Леон штатидаги Монтеррей шаҳрида қозоқ хонандаси Димаш Sудайбергенга бағишланган мурал( деворий расм) пайдо бўлди, деб хабар беради Dimashnews.
Ноёб асар маҳаллий мухлислар томонидан севимли хонандаларига ҳурмат сифатида тақдим этилди. Уларни Димашнинг ижодига бўлган умумий муҳаббат бирлаштиради.
Бу ташаббус Dimash&DearsRegiasMty фан-клуби аъзолари томонидан Мексиканинг Dears por Dimash альянси кўмагида амалга оширилди. Мурал муаллифи Antonio Art Mural ижодий тахаллуси билан танилган рассом Антонио.
Димашнинг катта портрети Монтеррей марказида, Francisco Javier Mina 1140, Centro манзилида жойлашган. Энди шаҳар аҳолиси ва меҳмонлари мексикалик Dearsнинг қозоқ рассомига бўлган муҳаббатини акс эттирувчи асарни томоша қилишлари мумкин.
Фан-альянс вакилларининг сўзларига кўра, мурал улар учун жуда муҳимдир. Бу шунчаки севимли хонанданинг портрети эмас, балки унинг санъати ва Мексика билан Қозоғистон ўртасидаги маданий алоқалар учун самимий миннатдорчилик рамзидир.
— Бизнинг фикримизча, бу санъат асари шунчаки визуал бағишловдан кўра кўпроқ нарсани англатади. Бу — мексикалик мухлисларнинг, айниқса Монтеррейдаги Dears жамоасининг чинакам севгиси ва эҳтиромининг рамзидир. Биз Димаш ва унинг ватани Қозоғистон ўртасидаги мавжуд бадиий ва маданий алоқаларни таъкидламоқчимиз, — деди Dears por Dimash альянси вакиллари.
Муралнинг ўрнатилиши, айниқса, Димаш Қудайбергеннинг Монтеррейдаги концерти арафасида аҳамиятлидир. Концерт хонанданинг 14 ноябрь куни DIMENSIONS дунё бўйлаб гастрол сафари доирасида бўлиб ўтади.
Мухлислар уларнинг ижодий совғаси икки мамлакат ўртасидаги дўстликнинг яна бир рамзига айланишига ва санъати бутун дунё тингловчиларини бирлаштирган қозоғистонлик хонандани Мексика халқига кенг таништиришига умид қилмоқдалар.
Эслатиб ўтамиз, Испаниядаги Димаш мухлислари кечасида хориждаги қозоқ болаларининг расмлари кўргазмаси бўлиб ўтди.
