Мексика дарасида автобуснинг қулаши оқибатида 18 киши ҳалок бўлди

МЕKHIKO. Кazinform - Мексика ғарбида пайшанба куни эрталаб тонгда йўловчи автобуси жарликдан қулаши оқибатида 18 киши ҳалок бўлди, дея хабар беради Kazinform Reuters агентлигига таяниб.

42 йўловчини олиб кетаётган автобус Мексика шимоли-ғарбидаги Тихуана шаҳри томон кетаётган эди. Йўловчилар орасида Ҳиндистон, Доминикан Республикаси ва Африка мамлакатлари фуқаролари бўлган.

Автобус ҳайдовчиси ҳибсга олинган. У йўлнинг бурилиш вақтида белгиланган тезликдан ошиб кетганликда гумон қилинмоқда. Ҳалок бўлганларнинг шахси аниқланмоқда. 20 га яқин жабрланувчи шифохонага етказилган.

Расмийларга кўра, бахтсиз ҳодиса штат пойтахти Тепиc шаҳри ташқарисидаги трассада содир бўлган. Даранинг чуқурлиги 40 метрга яқин бўлгани учун қутқарув операцияси қийин кечмоқда.

Июль ойида Мексиканинг Оахака штатида автобус ҳалокатида 29 киши ҳалок бўлган бўлса, февралда яна 17 киши мамлакатнинг марказий қисмида автобус ҳалокати қурбони бўлган эди.