МДҲ давлатлари раҳбарлари Бишкекда бўлиб ўтадиган МДҲ саммитида иштирок этади

13 октябрь куни Бишкекда Қирғизистон томони раислигида Қозоғистон Президенти Қасим-Жомарт Тоқаев иштирокида МДҲ давлатлари раҳбарлари кенгашининг навбатдаги йиғилиши бўлиб ўтади, деб хабар беради Kazinform агентлиги.

Йиғилиш давомида Ҳамдўстликка аъзо давлатларнинг савдо-иқтисодий ва маданий-гуманитар соҳалардаги ҳамкорлигини кенгайтириш ва мустаҳкамлашга қаратилган муҳим қарорлар қабул қилинади.

МДҲ Давлат раҳбарлари саммитида иштирок этиш учун Бишкекка Россия Президенти Владимир Путин, Озарбайжон Президенти Илҳом Алиев, Беларусь Президенти Александр Лукашенко, Туркманистон Президенти Сердар Бердимуҳамедов, Тожикистон Президенти Эмомали Раҳмон, Ўзбекистон Президенти Шавкат Мирзиёев келди. Учрашувда Қасим-Жомарт Тоқаев ҳам иштирок этиши режалаштирилган.

Қирғизистон Республикаси Президенти матбуот хизмати хабарига кўра, Арманистон Бош вазири Никол Пашинян саммитда иштирок эта олмайди. Бу ҳақда 10 октябрь куни Қирғизистон Республикаси Президенти Садир Жапаров билан телефон орқали мулоқоти чоғида маълум бўлди.