Маск собиқ Twitterни пулли қилишни режалаштирмоқда
Илон Маск илгари Тwиттер деб номланган Х ижтимоий тармоғини барча фойдаланувчилар учун пулли қилиб қўймоқчи, деб хабар беради Кazinform агентлиги BBC Newsга таяниб.
Кеча Исроил бош вазири Биньямин Нетаньяху билан суҳбатда миллиардер платформага пулли кириш ботларга қарши туришнинг ягона йўли эканлигини айтди.
"Биз платформадан фойдаланиш учун кичик ойлик тўловга ўтмоқдамиз", – деди Tesla ва SpaceX раҳбари.
Бу шунчаки ноаниқ изоҳми ёки Маск ойлик тўловни жорий этишга қарор қилдими, ҳозирча номаълум.
Ўтган йили Twitterни сотиб олганидан бери Маск фойдаланувчиларни энди X Premium деб номланган кенгайтирилган хизмат учун тўлашга ундашга ҳаракат қилди. Бунга пуллик обуначиларга узунроқ постлар ва платформада кўринишни ошириш каби қўшимча функцияларни тақдим этиш орқали эришилди.
Бироқ, ҳозирча фойдаланувчилар Х-дан бепул фойдаланишлари мумкин.
X Premiumдан фойдаланиш ҳозирда АҚШда ойига 8 доллар туради. Нарх абонент жойлашган мамлакатга қараб ўзгаради.
Бироқ, Х ижтимоий тармоғига пуллик киришни таклиф қилиш орқали у фойдаланувчиларининг кўпини йўқотиш хавфи мавжуд. Бу эса, ўз навбатида, ҳозирда компания даромадининг катта қисмини ташкил этувчи реклама даромадининг пасайишига олиб келиши мумкин.