Марказий ва Шарқий Европада таҳсил олаётган қозоғистонлик талабалар огоҳлантирилди
ASTANА. Кazinform - “Борис” бўрони оқибатида Марказий ва Шарқий Европада юзага келган ноқулай об-ҳаво шароити туфайли Халқаро дастурлар маркази минтақада таҳсил олаётган стипендиатлар билан яқин алоқада бўлиб, вазиятни диққат билан кузатиб бормоқда.
Бу ҳақда “Халқаро дастурлар маркази” АЖ матбуот хизмати хабар берди.
Бўрон Польша, Чехия, Австрия, Словакия ва Венгрияни қамраб олди – Қозоғистоннинг 15 нафар фуқароси ушбу мамлакатларда “Болашақ” дастури ва илмий стажировкалар доирасида таҳсил олмоқда.
Барча стипендиатларга хавфсизлик чоралари ҳақида маълумот берилди ва маҳаллий ҳокимият тавсияларига амал қилишмоқда. Ҳозирда қозоғистонликлар орасида жабрланганлар ҳақида маълумот йўқ.
“Биз стипендиатларимизни барча эҳтиёт чораларига риоя қилишга ва ўз хавфсизлигингиз учун доимо алоқада бўлишга чақирамиз”, — дейилади хабарда.
