Марказий Осиё давлатлари ва Озарбайжон давлат раҳбарлари “Дўстлик кечаси” гала-концертини томоша қилишди
ASTANA. Kazinform – Қасим-Жомарт Тоқаев Марказий Осиё давлатлари раҳбарларининг VI Маслаҳат учрашувида иштирок этиш учун Астанага махсус ташриф буюрган Ўзбекистон, Қирғизистон, Тожикистон ва Озарбайжон президентлари билан биргаликда ҳурматли меҳмонлар шарафига ташкил этилган “Дўстлик кечаси” гала-концертини томоша қилди, деб хабар беради Ақорда матбуот хизмати.
Давлат раҳбарлари “Астана опера” вестибюлида ташкил этилган “Ижодий садо” кўргазмаси билан танишди. Кўргазмада таниқли қозоғистонлик рассомларнинг, Марказий Осиё мамлакатлари тасвирий санъат усталарининг асарлари намойиш этилди.
Концерт дастури доирасида қозоқ, ўзбек, қирғиз, тожик, озарбайжон халқларининг қўшиқ ва рақслари янгради. Шунингдек, миллий чолғу асбоблари ансамбли жўрлигида “Дўстлик” дивертисменти йиғилганлар эътиборига ҳавола этилди.
