Марказий Осиёда илк бор этносиёсат бўйича профессионал мутахассислар тайёрланмоқда

NUR-SULTAN. Kazinform - Марказий Осиёда биринчи марта профессионал етносиёсатчилар 2021-йилда тайёрланади, деб хабар беради Кazinform.

Қозоғистон Республикаси Aхборот ва жамиятни ривожлантириш вазирлиги ташаббуси билан 2021 йил сентабр ойида Л.Н.Гумилёв номидаги ЕМУда этносиёсат магистрларини тайёрлаш бўйича икки йиллик таълим дастури бошланди. Бу Қозоғистон ва Марказий Осиёда миллатлараро муносабатлар ривожланишининг сиёсий шароитларини ўрганиш учун мутахассислар тайёрлашга қаратилган биринчи таълим дастуридир.

Мазкур дастур бўйича тайёрланаётган мутахассислар миллатлараро вазиятни ўрганиш, давлат органлари ва илмий марказлар учун экспертиза тайёрлаш имкониятига эга бўлиши режалаштирилган.

Дастур профессионал стандартларга мувофиқ ишлаб чиқилган. Дастур шунингдек, Дублин дескрипторларини ҳисобга олади, бешта асосий таълим натижаси - билим ва тушуниш, билимларни амалий қўллаш, шакллантириш, мулоқот ва ўқиш қобилиятлари.

Бундан ташқари, дастур Европа малака тизиминини ҳисобга олади. Европа малака тизими таълимнинг миллий малака тизимларига нисбатан барча даражадаги таълим малакаларининг умумлаштирилган тузилмасини тавсифловчи асосли тузилишга эга тизимдир.

Эслатиб ўтамиз, Қозоғистон ва Марказий Осиёда этносиёсат магистрларини тайёрлаш бўйича биринчи таълим дастури тақдимоти 2021йил 28 апрел куни Қозоғистон халқи Aссамблеясининг ХХIХ сессияси арафасида бўлиб ўтган эди.

Ҳозирда «Этносиёсатшунослик» таълим дастури доирасида «Замонавий дунёда этносиёсий жараёнлар», «Қозоқшунослик», «Аҳолишунослик», «Давлат хизмати» ва бошқа инновацион фанлар ўқитилмоқда.