Мария Дмитриенко Осиё ўйинларининг бронза медалига эга бўлди

Ханчжоудаги (ХХР) Осиё ўйинларида стендда отиш бўйича Қозоғистон терма жамоаси вакили Мария Дмитриенко учинчи ўринни эгаллади. Бу ҳақда Kazinform Оlympic.kz сайтига таяниб хабар беради.

У 34 очко жамғариб, трап йўналишида “бронза”ни қўлга киритди.

Хитой вакили Синьцю Чжан 47 очко билан ғолиб бўлди. Бу натижа билан у Осиё минтақаси ва Осиё ўйинлари рекордини ўрнатди. 43 очко жамғарган Цуйцуй Ву иккинчи ўринни эгаллади.

Ушбу туркумда Қозоғистоннинг яна бир вакили Айжан Досмағамбетова 27 очко билан тўртинчи ўринни эгаллади.

Шунингдек, Осиё ўйинларида қозоғистонлик боксчи Наталья Богданова 66 кггача бўлган вазн тоифасида чорак финалда мўғулистонлик Цэцэгдари Мягмарсурэн билан жанг ўтказиб, ҳакамларнинг якдил қарори билан ғалаба қозонганини ҳам алоҳида таъкидлаш лозим.

Шу тариқа, Богданова қитъа чемпионатининг ярим финалига чиқди ва камида бронза медалини қўлга киритди. Бунгача қозоғистонлик спортчи турнир давомида Саудия Арабистони вакили Рагад Иброҳим Ал-Наимийни муддатидан аввал мағлуб этганди.