Манғистау вилояти чегарасини кенгайтириш режалаштирилмоқда

ASTANА. Кazinform – Манғистау вилояти чегараси ўзгариши мумкин. Бу ҳақда «Аshyq» НҲА порталида эълон қилинган Ҳукумат қарори лойиҳасида айтилади, деб хабар беради Kazinform мухбири.

«Манғистау вилояти чегараси ва Каспий денгизи акваториясининг бошланғич чизиғи ўртасидаги умумий майдони 721 940,2365 гектар ерни вилоят ҳудудига қўшиш орқали ўзгартирилсин», — дейилади Ҳукумат қарори лойиҳасида. .

Ҳужжатга илова қилинган тушунтиришга кўра, ер майдонини ҳудудга киритиш учун қўшимча маблағ талаб этилмайди ва бу салбий ижтимоий-иқтисодий оқибатларга олиб келмайди.

«Лойиҳанинг қабул қилиниши Манғистау вилояти чегараси ва Каспий денгизи акваториясининг бошланғич чизиғи орасидаги ерни вилоят ҳудудига қўшиш орқали Манғистау вилояти чегарасини ўзгартириш имконини беради», — дейилади қарорда.

Ҳужжат 24 майга қадар жамоатчилик муҳокамаси учун тақдим этилади.

Муаллиф: Алихан Асқар