Манчестер Юнайтед 100 минг ўринли янги стадион қуради
ASTANA. Kazinform - Англиянинг “ Манчестер Юнайтед” футбол клуби 100 минг ўринли янги стадион қуришини маълум қилди.
Футбол клубининг ижтимоий тармоқлардаги расмий саҳифасида хабар қилинганидек, лойиҳа ҳукуматнинг Олд Траффорд ҳудудини тиклаш ва ривожлантириш бўйича режаларини қўллаб-қувватлаш мақсадида амалга оширилади.
Бундан ташқари, стадион қурилиши ва регенерацияси лойиҳаси Буюк Британия иқтисодиёти учун йилига қўшимча 7,3 миллиард фунт стерлинг даромад келтириши ва 92 минг янги иш ўрни яратиши кутилмоқда. Лойиҳа доирасида “Олд Траффорд” ҳудудида 17 мингдан ортиқ янги хонадон фойдаланишга топширилади. Йилига 1,8 миллион сайёҳни қабул қилиш режалаштирилган.
"Манчестер Юнайтед" футбол клуби 115 йилдан бери "Олд Траффорд" стадионида ўйнаб келади. Янги стадионни машҳур британиялик архитектор ва дизайнер Норман Фостернинг қурилиш компанияси бунёд этган.
