“Манчестер Сити” 2023 йилги клублар ўртасидаги жаҳон чемпионатида ғолиб чиқди

Англиянинг “Манчестер Сити” клуби Бразилиянинг “Флуминенсе” клуби дарвозасига жавобсиз тўрт гол уриб, 2023 йилги клублар ўртасидаги жаҳон чемпионатида ғолиб чиқди, деб хабар беради Kazinform.

Учрашув давомида инглиз жамоаси дарҳол ҳужумга ўтди. Биринчи ҳужумда ҳам рақиб жамоа дарвозасининг заиф томонини топишди. Бу голни фақат биринчи дақиқадаёқ Хулиан Альварес киритди.

27-дақиқада эса Бразилия жамоасидан Нино автогол муаллифига айланди.

Шундан сўнг инглиз клубидан Фил Фоден 72-дақиқада гол урган бўлса, 88-дақиқада Хулиан Альварес якуний тўпни киритди.

Шу тариқа, “Манчестер Сити” рақибини 4:0 ҳисобида мағлуб этди ва ўз тарихида илк бор клублар ўртасида жаҳон чемпиони бўлди.

Эслатиб ўтамиз, 3-ўрин учун кечган баҳсда Мисрнинг “Ал-Аҳли” жамоаси Япониянинг «Урава Ред Даймондс» клубини 4:2 ҳисобида мағлуб этиб, бронза медалига сазовор бўлди.

Клублар ўртасидаги жаҳон чемпионати 2000 йилдан бери мунтазам равишда ўтказиб келинмоқда.

Ўшандан бери 11 та жамоа ғолиблик шоҳсупасига кўтарилган. Улардан “Реал Мадрид” (Испания) – 5, “Барселона” (Испания) – 3, “Коринтианс” (Бразилия), “Бавария” (Германия) – 2, “Ливерпуль” (Англия), “Челси” (Англия) , «Интернасьонал» (Бразилия), "Сан Паулу" (Бразилия), "Милан" (Италия), «Манчестер Юнайтед» (Англия), "Интернационале" (Италия) -1 мартадан чемпион бўлди.