Мамлакатимиздаги хорижий олий ўқув юртларида Конституция қозоқ тилида ўқитилмоқда - вазир
ASTANA. Kazinform – ҚР Фан ва олий таълим вазири Саясат Нурбек мамлакатда очилаётган хорижий олий таълим муассасалари филиалларида қозоқ тили ва Қозоғистон тарихидан ташқари Конституция ва ҳуқуқ асослари ҳам қозоқ тилида ўқитилишини маълум қилди.
“Давлат стандартига кўра, мамлакатда очилган исталган хорижий олий таълим муассасасининг филиалида қозоқ тили ва Қозоғистон тарихи фанлари ўқитилиши белгиланди. Бу - давлат стандартининг талабидир. Умумий таълим мазмуни хорижий тилда, энг юқори талаблар асосида ўқитилади, лекин тил, тарих, Конституция, қонун асослари қозоқ тилида сақланиши шарт”, — деди Саясат Нурбек агентлик мухбирининг саволига жавобан.
Вазирнинг сўзларига кўра, ушбу стандартлар мамлакатда очилган хорижий олий таълим муассасалари филиалларида жорий этилмоқда.
“Биз буни талаб қиламиз, ҳеч қандай тўсиқ йўқ, хорижлик ҳамкорларимиз ҳам қўшилади, эътироз йўқ”, — дея қўшимча қилди вазир.
Муаллиф: Даулет Изтилеу
