Мамлакатда “Тоза Қозоғистон” концепцияси тасдиқланади
ASTANА. Кazinform - Мамлакатда 2024-2029 йилларга мўлжалланган “Тоза Қозоғистон” экологик маданиятни ривожлантириш концепцияси тасдиқланади. Бу ҳақда Қозоғистон Республикаси Экология ва табиий ресурслар вазири ўринбосари Жомарт Алиев Марказий коммуникациялар майдонида шу мавзуга бағишланган матбуот анжуманида маълум қилди.
“Давлат раҳбари Қозоғистон Республикаси Экология ва табиий ресурслар вазирлигига тегишли давлат органлари билан ҳамкорликда 2024-2029 йилларга мўлжалланган “Тоза Қозоғистон” экологик маданиятини ривожлантириш концепциясини яратиш ва тасдиқлашни топширди. 15 октябрда мазкур концепция Ҳукумат томонидан маъқулланган, ҳозир эса ҳужжат тасдиқлаш босқичида”, — деди вазир ўринбосари Марказий коммуникациялар хизматида “Таза Қозоғистон” экологик маданиятни ривожлантириш концепциясини тасдиқлашга бағишланган матбуот анжуманида.
Жомарт Алиевнинг сўзларига кўра, концепция дастлаб Ashyq НҲА порталига жойлаштирилган. Шу тариқа жамоатчилик муҳокамаси жараёнида жамоатчиликнинг тўлиқ иштирок этишига имкионият яратилган.
“Концепциянинг асосини юксак экологик маданият ва масъулиятни шакллантириш, экологик билимларни ошириш, шунингдек, оқилона экологик сиёсат ташкил этади. Бу ишда мамлакатнинг барча фуқаролари иштирок этиши керак. Концепция мавжуд вазият ва халқаро тажриба таҳлилидан тортиб, уни амалга ошириш бўйича чора-тадбирлар режасигача бўлган 7 қисмдан иборат. Бу концепциянинг асосий йўналишлари ва ёндашувларини таркибий нуқтаи назардан белгилаш имконини берди”, — деди ҚР Экология ва табиий ресурслар вазири ўринбосари.
Қозоғистонда экологик маданиятни ривожлантириш 2024-2029 йилларда қуйидаги асосий йўналишларда амалга оширилади:
* экологик фикрлаш ва хулқ-атвор, шу жумладан уларни рағбатлантириш ва тақдирлаш чора-тадбирлари;
* экологик таълим;
* экологик таълим ва тарғибот.
Ҳар бир йўналиш бўйича концепцияни амалга ошириш бўйича кўрилаётган чора-тадбирлар самарадорлигини мониторинг қилиш ва зарур ҳолларда уларни тузатиш имконини берадиган тегишли кўрсаткичлар белгиланди.
