Қозоғистон вилоятларида мол гўшти қанчага қиматлашди
ASTANA. Kazinform - ҚР Савдо ва интеграция вазири ўринбосари Қайрат Торебаев мамлакат ҳудудларида мол гўшти нархи ошганини маълум қилди.
Бугун Сенат ялпи мажлисидан сўнг журналистлар мамлакатимизнинг жанубий вилоятларида мол гўшти нархи ошиши ва Ўзбекистонга чорва моллари экспорти кўпайгани ҳақида саволлар билан мурожаат қилди.
Ўз навбатида вазир ўринбосари Қозоғистон қўшни давлатга анъанавий тарзда гўшт экспорт қилишини айтди.
“Ўзбекистонга йилига 20 минг тоннага яқин мол гўшти экспорт қиламиз. Расмий маълумотларга кўра, 2025 йил бошидан бери мол гўшти нархлари индекси 8,4 фоизга ошган, бир ҳафта ичида нарх ўсиши эса 0,6 фоизни ташкил этган. Йил бошидан буён барча 20 та ҳудудда нархлар ошганини кузатдик. Бу вилоятларда турли даражада бўлган, баъзиларида у жуда оз миқдорда ошган.Туркистон вилоятида эса 3 фоизга яқин ўсиш кузатилди. Умуман олганда, мамлакатимизда ўртача нарх 2800 тенге даражасида”, – деди Қайрат Торебаев.
