Мальдив оролларидаги ёнғин оқибатида 10 киши ҳалок бўлди

ASTANA. Kazinform – Пайшанба куни Мальдив ороллари пойтахти Мале шаҳридаги гаражда юз берган ёнғин оқибатида камида ўн киши ҳалок бўлди. Бу ҳақда маҳаллий ОАВ маълум қилди, дея хабар беради Kazinform «Синьхуа» агентлигига таяниб.

Ёниб кетган гараж бинонинг биринчи қаватида жойлашган, иккинчи қаватида меҳнат муҳожирлари яшаган. Полициянинг айтишича, улар Бангладеш, Ҳиндистон ва Шри-Ланкадан келган.

Оловни ўчириш учун ўт ўчирувчиларга бир неча соат керак бўлди. Ўт ўчириш ва қутқарув хизматининг маълум қилишича, бинодан 28 киши эвакуация қилинган, 10 киши ҳалок бўлган.

Расмийларнинг айтишича, қурбонларнинг жасадлари қаттиқ куйган, бу эса шахсини аниқлашни қийинлаштирди.