Макрон ва Шольц Трампнинг таҳдидлари фонида Европа учун янги йўналишни белгиламоқчи
ASTANA. Kazinform - Франция президенти ва Германия канцлери АҚШ президентининг Евроиттифоқ маҳсулотларига божлар жорий этиш таҳдиди фонида Европани кучли ва барқарор қилиш зарурлигини маълум қилди, деб беради Kazinform агентлиги Euronewsга таяниб.

Эммануэль Макрон Европани бирдамликни мустаҳкамлашга, кўпроқ амбиция ва жасорат кўрсатишга, мустақил бўлишга чақирди. Бу ҳақда Париждаги Елисей саройида Германия канцлери Олаф Шольц билан учрашуви чоғида айтилган.
Икки етакчи АҚШнинг янги президенти Дональд Трампнинг Европа Иттифоқи импортига божлар жорий этиш таҳдиди фонида Европани кучли ва барқарор қилиш зарурлиги ҳақида гапирди.
— Бизнинг позициямиз аниқ: Европа 450 миллионга яқин аҳолига эга йирик иқтисодий макондир. Биз кучлимиз ва биз бирлашганмиз. Европа қочмайди ва яширинмайди, балки конструктив ва ўзига ишонган шерик бўлади. Шу асосда биз АҚШ ва Американинг янги президенти билан муваффақиятли ҳамкорлик қиламиз, — деди Олаф Шольц.
Макроннинг фикрича, Париж ва Берлин трансатлантик алоқаларни сақлаб қолган ҳолда ўз манфаатларини ҳимоя қилишга қодир кучли Европани барпо этишда етакчи рол ўйнаши керак.
Макрон Франция-Германия ҳамкорлиги Европа кучи ва барқарорлигининг энг муҳим шарти бўлиб қолаётганини таъкидлади.
Аввалроқ Доналд Трамп Европа Иттифоқи АҚШдан нефть ва газ сотиб олиш орқали тақчиллигини камайтириши керак, акс ҳолда тарифлар жорий этилишини айтган эди.