Макрон Франциядаги тартибсизлик сабаби ўрганилишини талаб қилади

PARIS. Кazinform – Франция Президенти Эммануэль Макрон Вазирлар Маҳкамаси аъзоларига мамлакатда 27 июндан бери давом этаётган тартибсизлик сабабини «тўлиқ ўрганиш» бўйича кўрсатма берди, дея хабар беради Кazinform «BFM TV» телеканалига таяниб.

Якшанба куни кечқурун Елисей саройида бошланган тартибсизликни бартараф этиш бўйича тезкор штаб йиғилишида давлат раҳбари «Францияда нима бўлганини тушуниш учун узоқ муддатга мўлжалланган пишиқ-пухта ахборот-таҳлилий ишни бошлаш» ва «бу ҳодисанинг қўзғалиш сабабини ўрганиш» талабини қўйган.

Таъкидланишича, бу учрашув давлат етакчисининг аввалдан белгилаб қўйиладиган иш жадвалида қайд этилмаган.

Макрон ички ишлар вазири Жеральд Дарманен ва Адлия вазирлиги раҳбари Эрик Дюпон-Мореттига юзага келган вазиятни жиловлаш учун барча зарур чоралар кўриш вазифасини юклади.

27 июнда полиция талабига бўйсинмаган 17 ёшли ҳайдовчи Ноил Мерзук отиб ўлдирилиши муносабати билан, мана, бешинчи кундирки, мамлакатда норозилик акцияси давом этяпти. 2 июлда тартибсизликда чоғидаги номақбул ҳаракати учун 719 фуқаро, жумладан Парижда 194 киши қўлга олинган.