Мағлубиятга учрамаган қозоғистонлик боксчи Жанибек Алимханулини жангга таклиф қилди

ASTANA. Kazinform – Британиялик боксчи Феликс Кэш (16-0, 10 КО) WBO йўналиши бўйича ўрта вазн тоифасида амалдаги жаҳон чемпиони Жанибек Алимханулига (14-0, 9 КО) қарши рингга чиқишга тайёрлигини эслатди, деб хабар беради Kazinform Sports.kzга таяниб.

Яқинда Кэшнинг промоутери Эдди Хирн қозоғистонлик боксчи вакилларидан жанг ўтказиш учун таклиф олганини маълум қилди.

Шундан сўнг Феликс ижтимоий тармоқларда Хирн, Top Rank ва «Qazaq Style»га мурожаат йўллаб, жангга чақирди.

Ҳеч қандай жавоб ололмаган Кэш Жанибекка яна савол йўллади: «Top Rank, Qazaq Style жанг қилмоқчимисиз, ёки....?», деб ёзди у Twitterда.

Феликс Кэш ўзининг сўнгги жангини ўтган йилнинг декабрь ойида Англиянинг Лидс шаҳрида ўтказган ва португалиялик Келсо Невешни (9-4-2, 2 КО) мағлуб этганди.

Жанибек Алимханули эса май ойида Стоктонда (Калифорния, АҚШ) рингга кўтарилиб, канадалик боксчи Стивен Батлерни (32-4-1, 26 КО) иккинчи раундда техник нокаут билан мағлуб этган эди.